RSS

Category Archives: sports

نيتشه وشحاتة ..رجل الأقدار

موش عارفة ليه بحب كل يوم ابص علي جرنان الجمهورية وتحديدا العناوين .. اه افتكرت: لاني بعد ما اكون مريت على المواقع العراقية وقبل زيارتي الميمونة للعراق فمن حقي افرح شوية.
النهاردة بقي حصل كسر لكل القواعد المتعارف عليها في الصحف المملوكة للدولة في مصر.
جاء خبر الرئيس في المقام الثاني.
وفي العنوان الرئيسي “رجل الأقدار” للجريدة الذي علا صورة مرسومة لكابتن حسن شحاتة ، كتب رئيس التحرير: يقول الفيلسوف الألماني نيتشه “الأقدار تختار التوقيت للأبطال” .. عبارة بليغة من اشهر الفلاسفة الألمان والذي تخصص في تحليل شخصية “السوبرمان” كما أن مدرسته في التحليل النفسي تقوم علي اساس أن القوة والتفوق خصائص يحظي بها البعض دون غيرهم.
وبعدين بروفايل لكابتن حسن شحاتة .. موش وحش خالص لو ركزنا علي ما فيه من معلومات وتسلسل احداث والمعارضة اللي كان بيواجهها أحيانا، مع اهمال بعض الهنات الخطابية والتشبيهات للاخ رئيس التحرير.

والله انت عمهم كلهم. ولو رشحت نفسك للرئاسة انتخبك وانا مغمضة يا قمر،ده انت عملت م الفسيخ شربات.. اقلها ها تعلمنا الانضباط بدل الناس اللي بتقول: وايه يعني ما يجي واحد م الجيش. ولو قبلت عرض تدريب فريق نيجيريا ها ضحي بحبي القديم للبرازيل واشجع نيجيريا عشانك انت. والمعارضة المصرية عليها أن تشكر هذا الرجل فهو الوحيد الذي أزاح أخبار مبارك من مكانها، وفيـــن؟ ف الجمهورية بجلالة قدرها، اكثر الجرائد الحكومية التزاما في كلمتها الافتتاحية بما يملى عليها من فوق. وأتي بنيتشه في مقال افتتاحي لجريدة ..ده “مقبرة الأفيال” نفسها – الأهرام يعني- معملوهاش.. وده ممكن اعتباره تثقيف – ولو بحسن نية- واتجاه محمود (يعني الناس اللي كانت عاوزة الأدبيات الأشهر والنظريات الكبرى تقدم كتابةً بالعامية معرفوش يعملوها من ٦٠ سنة، والجمهورية عملتها، أنا شخصيا سعيدة لو في اي حد قرا وصف فيلسوف الماني وقدر يحفظ الاسم صح..وكتر الف خير الصدفة دي..ممكن تلاقي محرر قام ناقل من نيتشه برضه:الموتُ قريبٌ بما فيه الكفاية ومحدش هيقول له انت بتلسن ع الريس.يا سلام !
وهنا كمان صورتك يا كابتن شبه اللي معلقينها عندنا ف البلكونة:

Advertisements
 
أضف تعليق

Posted by في 4 فبراير 2010 in Egypt, Fun, Media, sports

 

الاتصال قبل الاخير من السيد علاء

يا سلام تقولشي قرا اللي كتبته هنا ..اول ما بدا القول: عزا في ضحايا نجع حمادي .بعد عشرين يوم كاملين ..يجبر بخاطرك ربنا! خصوصا انه عزا كل الناس تقريبا: ضحايا السيول وضحايا لبنان .. وطالب بالاهتمام بالرياضات الاخري كمان في نهاية الاتصال ..يااه .
احنا عندنا طلب اخير وقبل ما يخلص كاس افريقيا وتبطل تتصل بالبرامج تاني:
بص : الماتشات بتاعتنا مبتتنقلش ع الهوا ..احنا عاوزينها  تتذاع و ف ميعادها ع الهوا  حتي لو في ماتشات لفرق تانية وقتها ..موش معقولة يكون الماتش بتاعنا الساعة ٦ ونسمعه ف الراديو ولا نشوفه على المواقع. وبعدين نستنى يتذاع متسجل نص الليل ..ده ماتشات الزمالك لما كان ال١٣ علي الدوري كانت بتتذاع هوا وكل الماتشات التانية بتتذاع على كذا محطة ف نفس الوقت .. فياتذيعوا ماتشاتنا على واحدة من القنوات المصرية الفضائية – عشان كلنا مصريين،  يا تعمل لنا انت قناة لوحدنا وممكن ساعتها الناس تفكر تنتخبك رئيس .. للنادي طبعا؛ ميروحش فكرك بعيد.
اه وبعدين يا خالد: لو سمحت ما تتكلمش بالنيابة عن عصام وتقول ده جاري وكان بيعيط..يا فتان .