#jan25 #egypt #funny اضحك مع حريقة صغيرة ف عمارة هارديز اثناء خطاب مبارك.m4v

وسط الغم من خطاب مبارك بدأت هذه الحريقة المحدودة في بلكون الدور قبل الاخير بعمارة هارديز، الستات ينادوا عليه حريقة والليزر نوجهه ع مكانها يمين الرجل وناس طلعت له والراجل اخيرا خرج ونشاور له وهو ولا هنا وقبل ما تخمد تعليقات: ده نايم زي مبارك، ما بيفهمش زيه . المهم انتبه قبل ما تخمد اصلا النار وقعدنا نضحك
http://www.youtube.com/watch?v=Cx3ponuRmsM

 

ارحل يا مبارك بكل اللغات ! #jan25

לכו, מובארק …. بالعبري
Иди, Мубарак…. بالروسيه
برو، مبارک …. بالفارسيه
Allez, Moubarak …. بالفرنسية
जाओ, मुबारक ….. بالهندية
………… 去吧，穆巴拉克 …. بالصينى
I, Mubarak ….. بالاتينية
Πήγαινε, Μουμπάρακ …. باليونانية
Gitmek, Mübarek …. بالتركيه
Choď, Mubarak ….. بالسلوفاكية
이동, 무바라크 …. بالكورية
Vaya, Mubarak …. بالاسبانيه
بــتــفــهــم بــأى لــــغـــــة يـــخـــربـــيـــتـــــك
عاوز أرجع الشغل بقي
———-منقول 

 

عندنا اكاونتات ع الفايس بوك القبطي والاخواني والمصري . خلي الحكومة بقى تعمل فيسبوكها

عندنا اكاونتات ع الفايس بوك القبطي والاخواني والمصري . خلي الحكومة بقى تعمل فيسبوكها

، شوف مين هيسأل عنها

Amira Al.Tahawi » IkhwanBook || Muslim Brotherhood’s Book

My account on MuslimBrothers/sisters Facebook

Egypt Facebook – Profile
My account on Egyptian Facebook  

 faceCH – Mira Le Grand’s Profile

My account on Coptic Facebook 

No worry if our idiot government thinks seriously of banning the facebook in Egypt (they can t)  we already have many alternatives ( beside the proxy )!

 

طل الملوحي. فريد الغادري. بشار الأسد. سليمان فرنجية. !!

عزيزي بشار

عشان تعرف بس ان اعتقال  طل الملوحي ده  غلط ونص وانها ولا ليها في السياسة السورية بالطريقة المبالغة دي، ولا ينفع تتجند حتى عسكري حراسة علي محل بقالة موش تتجند من السي ايي ايه:

الراجل العجيب اللي اسمه فريد الغادري  صحي من النوم من اسبوعين كده لقى الناس بتتكلم عن طل الملوحي، وبكذا لغة منهم الايطالية،  فسأل واحد: همه اعتقلوها ليه؟ ، فالواحد ده مختل زي بعض الناس اللي عندها صفاقة أنها تفتي في قضية طل  باكاذيب واختراعات عشان تطول أمد الحدوتة وعشان يضروها أكتر وناسيين انها عيلة مرمية في الحبس موش سبوبة للارزقية ولا مادة للفبركة بتعليمات الأمن: اللي يقول اعتقلوها عشان زعلت ايران، واللي يقول ده موضوع حربي ( ؟) واللي يقول اعتقلوها عشان اشتركت في مظاهرة في كوالالمبور، المهم، الراجل رد علي الغادري وقال له : اصلها كتبت ابيات شعر  معجبتش بشار (!!!!) طب انهي بيت بالضبط وهي تحذفه ؟ ، قام فريد مكدبش خبر، وراح كاتب بوست هو راخر ان البنت كتبت شعر فيه انتقاد لسمات في المجتمع السوري، وان ده يعتبر تابوو في سوريا، وعشان كده الامن اعتقلها، وشفتوا بقي سوريا تحت حكم بشار وحشة ازاي الخ وبرضه قعد يقول اسرائيل حلوة ! .

بعدها قام قايل في بوست تاني: انا بحاول اقاوم ..(يقاوم نفسه يعني) اني احكي عن طل الملوحي للجماهير والالاف المأُلفة اللي هتسمع كلمتي بكرة في رالي اسرائيل في روما . عشان مضرش البنت اكتر.

طبعا الرالي ده كان تاني يوم ذكري انتصارنا على اسرائيل، بس همه اغبيا وبيقاوحوا، وتلاقي محضروش ٢٠ مجنون على بعض.

والنبي يا مستر فريد: ملكشي دعوة بالبنت ، اللي تلت تربع كتابتها ضد المدعوقة اسرائيل بتاعتك. استرزق من حتة تانية.

اما الأخ بشار: فكفاية كده بقى. ده المختلين بتوع موقع ….. – احد التيارات اللبنانية التي تتغنى باسمك – كاتبين ان “السيدة طل مجندة في السي اي ايه وانها كلفت بنفسها باغتيال ضابط في الجيش السوري، الضابط كان في مصر وهي  في سوريا، بس ممكن طبعا الرصاصة توصل عبر القارات .. انت فاهمني طبعا.

كفاية بقى . افرج عن البنت . طوب الارض بيجيب في سيرة “افتراءات” الامن السوري دلوقتي. القصة اتفضحت بكل اللغات والحمد لله . والمجانين بيتسلوا علي قضيتها، وبيبالغوا لدرجة ان الواحد خايف انهم يتهموها بكرة بأنها ضمن الـ١٩بتوع ١١ سبتمبر اللي ماتوا من ٩ سنين .

وبعدين تاني قرار تعاقب اللي عمل الحكاية دي كلها .. موش بسبب الفساد او سؤ استغلال المنصب الخ .. لكن بسبب غبائه ، الغباء اللي كان ممكن يستمر كما لو انه نوع من الولاء والاجتهاد في حماية البلاد والعباد ، لولا أن كشفناه في حملة اطلاق طل الملوحي.  فنحن نحارب الغباء بالاساس

ومنعرفش حاجة عن طل . ولا بندور ورا الموضوع ونجيب قراره. ولا لينا علاقة بحقوق الانسان ولا الانسانية .

 

سفير العراق ف الجزائر ابن عم سفيرهم ف مصر هههههههه

العراق عين سفراء جدد، وبحسب الأسماء فإن سفيرهم في الجزائر”السيد عدي موسى عبد الهادي الخير الله” هو ابن عم سفيرهم في مصر ..
“السيد نزار عيسى عبد الهادي الخير الله”
ههههههههههههههههه
هتأكد بقى واشوف
هو سفيرهم ف مصر مصادق على اسمه من البرلمان في اغسطس اب 2009
 كنت براجع الاسامي بنية صافية والله عشان توزيع الكتل السياسية وكده

 

مقال ايمن نور في استقبال د. البرداعي ..لا حول الله يارب

ومقال لا يعرف التواضع لأيمن نور، يبدأه مقارنا بين يوم خروجه هو من السجن في ١٨ فبراير من العام الماضي ويوم عودة دكتور البرادعي لمصر: اليوم ١٩ فبراير. الأول كان محاطا بـ“زخم كبير من التوقعات والآمال والاحتمالات” أما الثاني فكان محاطا بالاحتمالات والتوقعات فقط دون الآمال!.
المقال يلخصه عنوانه “أهلا بالبرادعي لاعباً وليس مدرباً”. ناسبا لنفسه انه اول من كسر حاجز الخوف المتبادل ” ضربنا اول فأس فيه عام ٢٠٠٥” وان العام الذي تلا خروجه من السجن ساهم اكثر في كثر هذا الحاجز… مسكين.
وبعد ان يقارن بين اللاعب والمدرب في القدرة على تحمل الآلام، ضاربا مثلا بالملاكم الشهير محمد علي كلاي يقول “أهلاً بالدكتور محمد البرادعي شريكاً وليس منافساً” …فهل هنا يملي (دعونا نقول يطرح) شروطا علي الرجل يوم وصوله؟ بالمناسبة المرء يختار شركاءه ولكنه لا يختار منافسيه.. وظني ان البرادعي ممن يختارون بعناية “اعداءهم” بنفس العناية التي يختارون بها اصدقاءهم ( موش كل من هب ودب ها يعاديه يعني)
انه يعدد ما يجب على السياسي أن يفعل مثل قوله “مستعداً أن ينتظر رنة تليفون في الخامسة صباحاً من أحد أنصاره يبلغه فيها باحتجازه أو اعتقاله بذات القدر من الاستعداد لتلقي رنة تليفون الساعة الثامنة صباحاً من قصر العروبة”
فهل هذا ما كنت تفعله؟ وهل كنت تفعله وحدك دونا عن الآخرين؟ او دون مساعدة من احد؟
ثم ينتهي بالقول “هكذا يمكن أن تكون علاقة البرادعي الجديدة بمصر.. زواج عن حب وليس جواز صالونات!!”
بالمناسبة: هل هذه الامثلة والمفردات من عالم الرياضة والزواج افضل ما يمكنك استخدامه لتوضيح ما تطرحه للنقاش يا …دكتور؟
AFP
العمود هنا
http://www.dostor.org/authors/11/51/10/february/18/6866

Also read: حقائق وأكاذيب حول د. البرادعي- Facts & Lies about Dr. Baradei

 

معلومة مؤكدة الفايس بوك اتجنن رسمي

ايوه ! عشان كل شويه الاقي الناس اللي محذفتهاش ممكن اضيفها add as a friend ! والاقي الناس اللي لسه محذفونيش بيضيفوني عنديهم friend request .. ايه ده..يعني معقول لو حذفت الناس كلها احذف بنتي سمسمة مثلا ؟ طيب بالعند بقى: انا خلاص سجلت ف الفايس بوك المسيحي هو صحيح اتعطل فجأة بعد يومين فقط من العمل بس هايرجع ان شاء الله وباذنه تعالي يوم ٢٣ منه ولو في فايس بوك اسلامي ابقوا ابعتوا لي اسجل فيه هو كمان.  احنا هنا بنشجع كل الاديان وبنشجع المنتخب برضه. اه .الفراغ صعب ….وممنوع حد يلطش الصور من غير الاشارة للمصدر

 

نيتشه وشحاتة ..رجل الأقدار

موش عارفة ليه بحب كل يوم ابص علي جرنان الجمهورية وتحديدا العناوين .. اه افتكرت: لاني بعد ما اكون مريت على المواقع العراقية وقبل زيارتي الميمونة للعراق فمن حقي افرح شوية.
النهاردة بقي حصل كسر لكل القواعد المتعارف عليها في الصحف المملوكة للدولة في مصر.
جاء خبر الرئيس في المقام الثاني.
وفي العنوان الرئيسي “رجل الأقدار” للجريدة الذي علا صورة مرسومة لكابتن حسن شحاتة ، كتب رئيس التحرير: يقول الفيلسوف الألماني نيتشه “الأقدار تختار التوقيت للأبطال” .. عبارة بليغة من اشهر الفلاسفة الألمان والذي تخصص في تحليل شخصية “السوبرمان” كما أن مدرسته في التحليل النفسي تقوم علي اساس أن القوة والتفوق خصائص يحظي بها البعض دون غيرهم.
وبعدين بروفايل لكابتن حسن شحاتة .. موش وحش خالص لو ركزنا علي ما فيه من معلومات وتسلسل احداث والمعارضة اللي كان بيواجهها أحيانا، مع اهمال بعض الهنات الخطابية والتشبيهات للاخ رئيس التحرير.

والله انت عمهم كلهم. ولو رشحت نفسك للرئاسة انتخبك وانا مغمضة يا قمر،ده انت عملت م الفسيخ شربات.. اقلها ها تعلمنا الانضباط بدل الناس اللي بتقول: وايه يعني ما يجي واحد م الجيش. ولو قبلت عرض تدريب فريق نيجيريا ها ضحي بحبي القديم للبرازيل واشجع نيجيريا عشانك انت. والمعارضة المصرية عليها أن تشكر هذا الرجل فهو الوحيد الذي أزاح أخبار مبارك من مكانها، وفيـــن؟ ف الجمهورية بجلالة قدرها، اكثر الجرائد الحكومية التزاما في كلمتها الافتتاحية بما يملى عليها من فوق. وأتي بنيتشه في مقال افتتاحي لجريدة ..ده “مقبرة الأفيال” نفسها – الأهرام يعني- معملوهاش.. وده ممكن اعتباره تثقيف – ولو بحسن نية- واتجاه محمود (يعني الناس اللي كانت عاوزة الأدبيات الأشهر والنظريات الكبرى تقدم كتابةً بالعامية معرفوش يعملوها من ٦٠ سنة، والجمهورية عملتها، أنا شخصيا سعيدة لو في اي حد قرا وصف فيلسوف الماني وقدر يحفظ الاسم صح..وكتر الف خير الصدفة دي..ممكن تلاقي محرر قام ناقل من نيتشه برضه:الموتُ قريبٌ بما فيه الكفاية ومحدش هيقول له انت بتلسن ع الريس.يا سلام !“
وهنا كمان صورتك يا كابتن شبه اللي معلقينها عندنا ف البلكونة:

 

سوهاج .. محافظة عالمية !

عنوان فرعي لمقال في جريدة المساء، يتبع العنوان الأشهر “شكراً …باعث النهضة الشاملة” اللي هو مبارك يعني

المسا ٣ فبراير ٢٠١٠ – للذكرى الخالدة عشان ارشيف المسا بيختفي بعد يوم

وماذا بعد؟!
شكراً …باعث النهضة الشاملة
سوهاج .. محافظة عالمية
خالد إمام
E-mail:khaled@almessa.net.eg سوف يشهد التاريخ أن الرئيس حسني مبارك هو باعث النهضة الشاملة للصعيد.. وانه الزعيم الوحيد الذي وضع هذا الجزء الكبير والعزيز من أرض الوطن في مقدمة أولوياته واهتماماته ووفر له كل الإمكانيات المادية والبشرية للنهوض به.
انها حقيقة تؤكدها توجيهات الرئيس المتتالية منذ تولي الحكم. وواقع تجسده المشروعات القومية الضخمة التي تظهر للوجود بالصعيد عاماً وراء الآخر.
***
لقد كان الصعيد نسياً منسياً منذ بداية عصر النهضة أوائل القرن التاسع عشر وحتي بعد الثورة منتصف القرن العشرين لدرجة أصبح معها أبناء الصعيد مواطنين درجة عاشرة للأسف الشديد.. فلا عمران. ولا صناعة. ولا تجارة. ولا تعليم. ولا صحة. ولا أي شيء يمت للمدنية الحديثة بأية صلة.. وبالتالي عاش أهله في ضنك وبؤس وتخلف لا إرادي مفروض عليهم.
يأتي ذلك رغم ان هذه الأرض الطيبة بجنوب الوادي أنجبت الكثيرين من العباقرة الأفذاذ الذين كسروا الطوق وانطلقوا وأبدعوا.. وفي مقدمتهم الرئيس الراحل جمال عبدالناصر ورفاعة رافع الطهطاوي وطه حسين وعباس محمود العقاد وأمل دنقل وعبدالرحمن الأبنودي وغيرهم.
هذا الأقليم العزيز لم يكن أحد في العالم يتذكره سوي بآثاره العظيمة نتاج حضارة 4 آلاف عام وأكثر.. ورغم ذلك كانت مهملة وغنيمة للصوص التاريخ.. بالداخل والخارج.
***
ومنذ جاء الرئيس مبارك إلي سدة الحكم.. بدأ الاهتمام بالصعيد بتوجيهات محددة وخطط مدروسة حباً في أهل الصعيد وإيمانا وقناعة بحقهم في الحياة الكريمة وفي اقتسام ثمار التنمية.. فظهرت للوجود مشروعات عملاقة وفرت الآلاف من فرص العمل للشباب ووضعت الصعيد علي الخريطة الاستثمارية العالمية.. حتي ان مشروع الألف قرية الأكثر احتياجاً ساوي بين قري الوجهين البحري والقبلي.. وكانت البداية اختيار قرية من الشرقية وأخري من أسيوط.
هذا التوجه الوطني النابع من نفس انسانية وطنية كان له مفعول السحر في نفوس أبناء الصعيد قاطبة.. فقد أيقنوا ان لهم مكاناً كبيراً في قلب وعقل الرئيس وانهم – تحت رئاسته – سوف تتحقق كل آمالهم وأمانيهم.
***
وبمناسبة الحديث عن الطهطاوي.. فإن الرئيس مبارك سوف يزور سوهاج خلال ساعات لافتتاح العديد من المشروعات القومية العملاقة التي ستنقل هذه المحافظة إلي العالمية.. وفي مقدمتها طريق الصعيد – البحر الأحمر الذي يربط 3 محافظات بموانئ البحر الأحمر. ومطار سوهاج ثاني أكبر مطارات مصر بعد مطار القاهرة ومستشفيان جديدان في إطار الرعاية الصحية أحدهما عسكري والآخر للتأمين الصحي.
انه اهتمام غير عادي وغير مسبوق بهذه البقعة الغالية من أرض مصر يحقق حلماً طالما راود أبناء سوهاج أكثر من ربع قرن من الزمان.
وها هو الحلم يتحقق فعلاً علي يد باعث النهضة الشاملة في مصر.. الرئيس حسني مبارك.

 

صور الستات حرام حتى لو مرشحات للبرلمانIraq Elections :Sorry, we can not have women photos

بجد اللي بيحصل ف العالم كله كوم وف العراق كوم لوحده .
في حملة الانتخابات العراقية – ان شاء الله ها تبقى يوم ٧ مارس اذار يوم اعلان نتايج الاوسكار يعني- أحد المرشحات قدمت نفسها بأنها زوجة فلان وشقيقة علان ( مفهوم للمتابعين المقصود بالاشارة للعشيرتين) وعندما وضعت كنيتها (اختارتها للتدليل على انتمائها الطائفي) ..الأتعس أنها لم تضع أي شيء يجعل الناخب يختارها هي لتمثيله، حتى أنها لم تضع صورتها ووضعت صورة زوجها!… (مصدر الصورة الأخ أبو دانا وممنوع النقل دون الاشارة له أو للمدونة..وكلا كلا للفرهود )